VC Inthlanna ah Vote nei thei 50,594 awm dawn

Serchhip District-a Village Council Inthlanna neih turah Cote nei mi 50,594 an awm dawn.
Nimin-a District Election Officer in thuthar thehdarhtute a kawmna a tarlan a nih danin tun thla ni 8-a Final Electoral Roll tharchhuah a nih hnuah State Election Commission in hun a hawnsak angin Electoral Roll hi nimin thleng khan tih siamthat ngai te tan hun hawn leh niin hemi chin ah hian Serchhip District-a VC Inthlanna atana Vote nei thei chu 50,594 a ni a. Heng te hi mipa 24,455 leh hmeichhia 26,139 te niin Final Electoral Roll aiin Vote nei thei hi 151 in an pung a ni.

He hunah hian Election Officer F. Lalnisai chuan Electoral Roll thar ber hi State Election Commission-ah thehluh a nih tawh thu leh a copy hi Party tinah pek an ni dawn tih a sawi a. Tuna Electoral Roll an pekchhuah tur hi Vote thlak ni a hman tur a nih avangin Political party te pawhin a hma a mi nen a inang lo tih lo hria se an duh thu a sawi bawk a ni.