Boruak bawlhhlawh ziaawm

Mizoram Pollution Control Board (MPCB) hotute chuan kum 2024 kumhlui thlah zana boruak dinhmun an chhinchhiah danin kum hmasa lam aiin boruak bawlhhlawh a nep tih an sawi.

Akashvani palai nen an inkawmna ah MPCB hotute chuan Sikulpuikawn-a Automatic Air Quality Monitoring Station-in boruak dinhmun a chhinchhiah dan atanga a lan danin kum 2024 kumhlui thlah zan ah halpuah leh halmawi halin kum hmasa lam aiin kan boruak a tibawlhhlawh nep deuh tih an sawi a, Air Quality Index (AQI) hi kumhlui thlah ni chhun lamah chawhrualin 52.9 a nih lain zanlai dar 12:00 leh dar 1;00 inkar ah chuan 115 a kai chho a. Kum 2023 zanlai dar 12:00 leh dar 1:00 inkara AQI erawh 597 lai a ni tih sawiin, kum 2023 aiin kumin 2024=ah halpuah hal vanglai in AQI chu a let nga (5) laiin a tlahniam tih an sawi. 

Zirchianna atanga a lan danin December ni 31 zing dar 6:00 leh tlai dar 6:00 inkar AQI chu kum 2023-ah 13.13 a nih laiin kum 2024-ah erawh 52.9 a ni a. Hei hian a entir chu Aizawl boruak hian a kum telin bawlhhlaw lam a pan ve zel tihna a ni tih an sawi.