Bawrhsap hovin thukhawm

Nimin khan Saitual-ah Mission Vatsalya Scheme hnuaia Sponsorship and Foster Care Approval Committee chu an Chairman leh Bawrhsap Dr. Lalngura Tlau hovin an thukhawm a, he hunah hian naupang chhawmdawl ngai leh enkawl zui ngaite puihna chungchanga sponsor dilna 140 lut chu ngaihtuah a ni a. Heng dilna lut zinga 100 te chu Committee chuan pawmin heng baka la chuang mi 40 te chu la ngaihtuah that leh tur a dah a ni. He Scheme hnuaia tanpuina dawng thei turte chu a nihna tur dik taka hman a nih theih nan pek theih dan Criteria hrang hrangte uluk taka thlirho thin a ni a, chumi atanga pek tlakte chuan he sponsorship hi an dawng thin a ni.