Automated Testing Station siam belh tul tih thu thlen

Transport Minister Vanlalhlana chuan Union Minister for Road Transport & Highways Minister Nitin Gadkari hnenah Automated Testing Station pakhat aia tam siam a nih theihna tura hmalak a tul thu a sawi.

New Delhi-a State hrang hrang Transport Minister thutkhawmna leh 42nd Transport Development Council thutkhawm niminpiah-a neih ah Transport Minister Vanlal-hlana hian Union Minister for Roads Transport and Highways Nitin Gadkari hmu in Mizoram mamawh hrang hrang a thlen a, March 2026 hnu lama Command and Control Centre hman chhunzawm zelna tura Mizoram in harsatna a neih te tarlangin Passenger phur chi lirtheia vuah tur Vehicle Location Tracking Device and Panic Button chu lirthei neituten lei an harsat thu a sawi a, a khawl lei nan hian sawrkar laipui chu subsidy 50% tal ngaihtuahsak turin a ngen bawk.

State tina Transport Minister theuh te thutkhawm hi thuang hnih a then niin Session hmasa zawk ah sawrkar laipui policy thar, Driver Training Centres (DTC) tlangzarh a ni a. Lirthei fitness endikna tur Automated Testing Station (ATS), Accident tawkte tan sumfai hmang lo a inenkawlna tur Pilot Project-a Cashless Treatment kalpui mek lirthei avanga chetsualna a awma a mawhphurtu man an nih hma a an tlanbo thinna, 'hit and run' tuartu chhawmdawlna scheme thlirhona neih a ni a, Vehicle Scrapping Policy leh Registered Vehicle Scrapping Facility chungchang sawihona neih a ni bawk. Heng bakah hian Union Minister hian IIT Madras kutchhuak app pathum – Sanjaya, Madras Matrix leh Field Perception Survey te a tlangzarh nghal a ni.

Session hnuhnung ah hian Transport Development Council an thukhawm a. He hunah hian ramchhunga Transport Association hrang hrang ten presentation an nei bawk.