Serchhip District-a raltlan te tanpuina buhfai semchhuah tan a ni

Serchhip District chhunga raltlan awm mek mi 558 te hnenah Vawiin atang khan tanpuina buhfai leh sum semchhuah a ni.
Serchhip District chhunga raltlante tanpuina tura sawrkar laipui ruahman anga Buhfai semchhuah turte hi Vawiin khan Serchhip District Bawrhsap Paul L. Khuma chuan Serchhip DC Office Tual atangin a vailiam a, Bawrhsap hian  Serchhip District chhung khua leh veng 25 pan tur motor 5 vailiamin heng motor te hian raltlan chhawmdawl ngai mi 558 te eitur buhfai quintal 117.5 a phur a. Hei bakah hian raltlan te tanpuina sumfai chu Branch hrang hrang YMA hruaitute hnenah hlan a ni bawk.

Chhinchhiahna atanga a lan danin tun dinhmunah Serchhip District-ah hian raltlan mi 558 an awm mek a, heng zinga 424 te chu Myanmar atanga raltlan rawn lut te niin Veng leh khaw 22-ah an awm mek a. Manipur atanga raltlan rawn lut mi 30 awmin Veng leh khua 4-ah an awm bawk a, Bangladesh atanga raltlan rawn lut mi 104 awmin Thenzawl East-ah an awm a ni.