Hrangturzo Bialtu MLA in a Bial-a khua te tlawh kual

Hrangturzo Bialtu MLA Lalmuanpuia Punte chuan kar hmasa chhung khan a Bial chhunga khaw hrang hrang tlawhin thilpek chi hrang hrang a sem.

Hrangturzo Bialtu MLA hian Biate, East Lungdar leh North Vanlaiphai khua ah te Phul samna khawl hlanin heng te hi an khuaa mipuite lenna tlang a hnim samfaina tura ruahman a ni a, Leng khua leh Piler khuaa Futsal Ground-a phah tur phullem (artificial turf) a pek bakah Leng khaw thirdeng tan Pûm a pe bawk a. A Bial chhunga kum upa, kum 80 chin chunglam te Krismas thilpek atan puannuam a pe bawk a ni. Hei bakah hian Sailulak High School Silver Jubilee lawmna leh Govt. North Mualcheng Middle School Golden Jubilee lawmna hun pawh hmanpuiin Govt. East Lungdar High School, Govt. East Lungdar Middle School-I leh II leh Govt. East Lungdar Primary School-I te tlawhin an mamawh an thlen chu tih hlawhtlin a nih theih nan School Education Minister hnenah theitawp chhuah sak a tum thu a sawi bakah a Bial chhung mipuite hlim leh lawm taka Krismas hmang turin duhsakna a hlan a. Krismas hmanna tura thawhlawm leh fate thawmhnaw thar leina tur neilo mi harsate pualin MLA Fund atanga inhlawhna pein Party feeling awm miah lovin mi harsate inhlawh tir turin a hrilh bawk a ni.