DCIO hna chelh turin ruat

Mizoram sawrkar chuan thuchhuah siamin Serchhip-a Election Officer nilai F. Lalnisai chu a hna chelhlai bakah District Commerce & Industries Officer (DCIO), Serchhip hna chelh turin a ruat thar a. Serchhip-a DCIO hna chelhtu F. Lalsawmliana chu Lunglei-a DCIO-ah kumin February thla khan sawn a lo ni tawh a, Serchhip DCIO hna chelh tel tur tih niin hun engemaw chen a chelh kawp a, tunhnai khan he hna chelhtu tur hi midang ruat ni mah se sut leh niin DCIO hna chelh tur hian F. Lalnisai hi ruat a ni ta a ni. Hetihlai hian tunhnaia Serchhip DC Office-a SDC nilai Dr. C. Vanlalchanhimi sawnna tura Order chhuah tawh chu sut leh a ni bawk a, a hna chelh pangngai a chelh chhunzawm dawn a ni.