East Lungdar-ah GPDP Special Gram Sabha neih a ni

Zonuna Kawlni /

Sawrkar laipui Ministry of Panchayati Raj, Govt of India-in Gram Panchayat Development Plan (GPDP) 2025-26 siamna tur atana People's Campaign nei tura Special Gram Sabha cum Orientation/Training Programme neihna tur khua 750 a thlan zinga tel, East Lungdar-ah nimin khan Special Gram Sabha neih a ni.
 Special Gram Sabha hi East Lungdar-a Thangburha Hall-ah neih niin LAD Minister C. Lalsawivunga thusawi ngaihthlak a ni a. PPC chungchang leh a pawimawhna te a lem nen thlirho niin SIRF Faculty te chuan GPDP leh Gram Sabha pawimawhna kalkhawmte an zirtir a. Village Poverty Reduction Plan (VPRP) ruahman pawh mipui kalkhawmte hmaah pharh nghal a ni bawk.

Nimin-a he hun hman ah hian kum upate chawimawina hun leh khaw chanchin ngaihthlakna hun hmangin, Faina, ruihhlo, hriselna leh kum upa zahna chungchanga thutiam chhamrual a ni bawk a. He hun bul tanna ah hian kum 85-a upa C. Rochungnunga leh kum 93-a upa Lalsiami te chuan Special Gram Sabha pual hian thingtiak an phun bawk a, East Lungdar BDO Dr. Peter Malsawmtluanga chuan lawmthu sawiin hun a hmang bawk a ni.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »