ARC-ah ruihhlo zirhona nei

The Salvation Army ten Ruihhlo ngai te enkawlna hmun an buatsaih, Adult Rehabilitation Centre (ARC) Chhiahtlang-ah nimin khan ruihhlo chungchang zirhona neih a ni.
ARC Chhiahtlang leh Serchhip Sub-Hqrs. YMA tangkawpin an buatsaih Ruihhlo chungchang zirhona hun hi ARC Superintendent David Lalthazuala chuan kaihruaiin Serchhip Sub-Hqrs. YMA President Kawlthuama chuan he Cenre-a awm mek te fuihna thu a sawi a, kum khat chhungin Serchhip Town-ah mitthi 141 lai an awm tawh thu leh heng zingah hian thalai kum 50 hnuailam thi chu 61 lai an nih thu sawiin, hei hian theihtawp-a ruihtheih thil do a tul zia a tilang niin a sawi.

Adult Rehabilitation Centre (ARC) Chhiahtlang-ah hian mi 19 awm mekin nimin-a he hun hman ah hian Serchhip Sub-Hqrs. YMA a Training & Affairs Committee (TYAC) Chairman C. Lalhminghlua chuan he hun buatsaih a nih chhan leh inlawmna thu sawiin, Resource Person atan Master Trainer, Dr. Laldinpuia chu hman a ni a, ruihhlo ngaihna (addiction) chu natna chi khat a nih thu leh a damna ber chu nghei hlen tura paukhauh a nih thu a sawi a. Sim duh tak tak tan Drug ruihhlo awmna hmuna awm loh leh Pathian rinchhana hun hman thiam a pawimawh thu te a sawi bawk.