Tui put report-an tur tlangzarh

PHE Department changtu Minister Prof. Lalnilawma chuan PHED pipe atanga tui put vilna tur, 'Water Leakage Reporting Software System' chu nimin khan a tlangzarh a, he System hi PHE Department leh Buannel Geo Solution & Services buatsaih niin Mobile phone-ah Android Playstore leh Apple App Store atangin a thlawnin download theih a. He application hmang hian PHE a thawktute hnenah phone kaltlangin tui putna thlalak thehluh mai tur a ni a, he application hmanga PHED thawktute hnena tui put report pe tha te hnenah lawmman siam tum a ni bawk.