Ruahsur thei lakah mipuite fimkhur turin ngen

Ruahsur nasa avanga chhiatna thleng thei lakah mipuite chu fimkhur tura ngen an ni a, harsatna thleng palh thei ah sawrkar Department te pawh mahni mawhphurhna hlen tura chah an ni.
Hemi chungchanga nimin-a sawrkar thuchhuah in a tarlan danin India khawchin thlirtu, India Meteorological Department (IMO) Bulletin nimin-a tihchhuah in a tarlan danin September 10 atanga 13, 2024 chhung hian India ram hmun hrang hrangah ruahsur chhunzawm zel turin a tarlang a. Mizoram-ah ngei pawh ruah hi sur theiin, a bik takin September ni 12 leh 13, 2024-ah phei chuan nasa taka sur thei niin a tarlang a. Hei vang hian leimin leh chhiatna hrang hrang thleng thei lakah mipuite fimkhur theuh turin an inngen nawn leh tih tarlangin, Mahni In leh a vel a tui kal dan te ennawnin, leimin hlauhawm leh chhiatna liantham thlen thei awm a awm chuan thuneitute hnenah a rang lama hriattir zel turin mipuite ngenin an hriattir nghal bawk a ni.

Hei bakah hian ruahsur nasa avanga kawng hrang hranga harsatna awm thei ah sawrkar Department hrang hrangte mahni mawhphurhna theuh hlen tura theihtawp chhuah turin ngen an nih thu sawrkar thuchhuah chuan a tarlang bawk.