PC in buhfai dahkhawm enfiah

PC Party hruaitute chuan nimin khan Aizawl Zuangtui Kudam-a Ration buhfai tur dahkhawm chu an Vice President Rita Malsawmi hovin an enfiah tih an sawi a, tun thlaa sem tur buhfai lo thleng zinga a tam zawk chu buhfai man tlawm, quality hniam a ni tih sawiin, “Hetianga quality hniam supply anih lai hian a man a tlakhniam chuan loh avangin hei hi a dik lo takzet a. Buhfai man tlawm semchhuak sia mipuiin a man ngaia kan khul a ngai si phei hi chu mipui tan a na a ni,” tiin “A man tlawm anih si chuan, mipuiin kan khulna man pawh ti tlawm ve rawh se,” an ti bawk. He hunah hian an Vice President Rita Malsawmi chuan tunhnaiah Media-ah ration buhfai quality chung-changah inhnialna nasa tak a awm tih sawiin, “Mizo-te'na kan chawpui ber buhfai quality chhia min lo supply a nih chuan mipuite hriselna nghawng thei a nih dawn avangin finfiah ngei thain kan hria a, a hmun ngeiah kan tlawh ta a ni,” a ti.