Fisheries Minister in hmanpui

Indian Council for Agricultural Research - Central Institute of Fisheries Education leh Mizo-ram Fisheries Department tangkawp buatsaihin ni 3 awh tur Aizawl District chhunga Sangha khawi a eizawng thlanchhuah mi 20 te training pekna chu nimin khan neih tan a ni a, he hun hi Fisheries Minister Lalthansanga chuan hmanpuiin kan ram sik leh sa bakah kan leilung mil thei tura Sangha khawi a ngaih thu sawiin, kan ram tana tha tur ang ngaihtuah chunga hmalak a tul thu a sawi a. Ban-a kaih policy hnuaiah nasa zawkin Sangha khawi chu sawrkarin kalpui an tum tih a sawi bakah Sangha tam zawk tharchhuak turin Central leh State Sawrkarin nasa taka hma an lak thu a sawi bawk.