ZPM Chhung Inkhawm nei

ZPM Party chuan nimin khan Aizawl-a an Party Office-ah chhung Inkhawm neiin he hunah hian MLA TBC. Lalvenchhunga chuan ZPM a sawrkar khan mipuite beiseina chanve tih hlawhtlin nia a hriat thu a sawi a. “Budget vawi khat kan pharh ve ta a, he Budget hmang chho mektu mipuite phun thawm kan la hre lo leh fakna thawm hi ngaihthlak a nuam takzet a ni. Chief Minister huaisen zia leh Minister-te thawhrim zia sawi nuam titu chu opposition-te an ni,” a ti a. “Eiruk loh kan intiam a, Vawiin thlengin kan fihlim. Kan khingpuite hian kan thusawi lak kawih an thiam hle tih bak sawrkar han puihna em em an nei lem lo,” a ti bawk.