Vawk thi la pun belh zel

Serchhip District-ah nimin khan ASF vanga Vawk thi 44 chhinchhiah leh niin tunhnaiah Vawk thi an pung leh mek a ni.

Nimin-a African Swine aFever (ASF) vanga Vawk thi chhinchhiah thar te zinga 26 hi East Lungdar khuaa mi te an ni a, Thenzawl-ah Vawk 10 thi bawkin New Serchhip North leh New Serchhip South-ah 4 ve ve a thi bawk a ni. Nimin vek khan Veng leh khua 7-ah Vawk 53 suat a ni bawk a, Khawlailung-ah 31 leh Chekawn-ah 12 suatin Baktawng-ah 4, Keitum leh New Serchhip South-ah pahnih ve ve leh Ser-chhip P&E Veng leh Field Veng-ah pakhat ve ve suat a ni bawk. Heti hian nimin thleng khan Serchhip District-a Veng leh khua 30-ah kumin chhungin ASF vangin Vawk 2962 thiin Vawk 6039 suat a ni tawh bawk a ni.