Shiksha Saptah hmang mek

National Education Policy (NEP) 2020 in kum li (4) a tlin lawmna atan zirna In hrang hrang ah ‘Shiksha Saptah’ chu hman mek a ni.

India ram a zirna kalphung thar, National Education Policy (NEP) 2020-in kum 4 tlin lawmna ‘Shiksha Saptah’ hi tun thla ni 5 atang khan hman tan niin ni 7 chhung thupui hrang hrang hmangin hman tur a ni a, a ni hmasa ber hi ‘Teaching Learning Material (TLM) Day’ atan hmangin August 6 khan ‘Foundational Literacy and Numeracy (FLN) Day’ an hman leh a ni a. August 7 khan ‘Sports Day’ leh August 8-ah ‘Cultural Day’ hmangin nimin khan ‘Skilling and Digital Initiative Day’ hman leh a ni a. August 12-ah ‘Community Involvement Day’ hmangin August 13-ah ‘Eco Club for Missions Life/School Nutrition Day’ hman leh tur a ni ang.

Shiksha Saptah ni 5-na, nimin-a ‘Skilling and Digital Initiative Day’ pual hian Govt. Chan-mari Middle School te chuan DIET, Serchhip-ah Zirlai naupangte tan Computer zirna an buatsaih a, he hunah hian zirlai naupangte chu Computer chungchanga hriat tur pawimawh hrang hrangte zirtir niin DIET Principal leh thawktute chungah an lawm hle tih Govt. Chanmari Middle School chuan an sawi bawk.