Lok Sabha MP in thu sawi

Mizoram Lok Sabha MP Richard Vanlal-hmangaiha chuan MP a nih hnua a hmasa ber atan nimin khan Parliament House-ah thu a sawi a. He hunah hian Lok Sabha MP chuan hun rei tawh tak atanga Vawk hri (ASF) leng avanga Mizoram mipui leh a bik takin Vawk vulhtuten harsatna nasa tak an tawh thu a sawi a. Tun thleng hian Vawk chu 8250 ASF avang hian an thih tawh thu a sawi a. Vawk hri leng avanga Vawk vulhtute chhawmdawlna tur Central atangin engmah puihna an la hmuh loh thu sawiin, Mizoram Sawrkarin Central Sawrkara Vawk vulhtute hnena zang-nadawmna tur Project a ruahman cheng vbc. 26.725 chu tihfel sak thuai turin Union Minister of Animal Husbandry chu a ngen nghal bawk a ni.