LFCS ten Faina hnatlang nei

Serchhip-a Little Flower Convent School chuan nimin khan ‘Cleanliness Drive’ neiin Serchhip P&E Veng-a kawngpui dung an thianfai.
LFCS zirlai naupaang leh Zirtirtute hian nimin khan Serchhip P&E Veng Soil Peng atanga Govt. H/S Peng thlenga Cleanliness Drive hi neiin he hunah hian an Zirtirtute chuan tun tumah hian Faina pawimawh zia an lantir dawn tih sawiin, “A sawi leh a ziah mai ni lovin a takin kan lan tir dawn a, Kan kawlai te fai takin kan vawng anga, Khawlai kan vawnfai tluk zetin kan taksa te pawh kan vawngfai anga, kan rilru kan ngaihtuahna hrisel taka a awm theih nan eitur hrisel kan ei anga, kan taksa kan vawng fai tur a ni,” an ti.

He hunah hian Zirlai naupangte leh Zirtirtute hian kawngpui dung-a bawlhhlawh hrang hrang te chharin Faina thuziak chi hrang hrang an keng bawk a, hun tawp hmanna ah Faina pawimawh zia inzirtirna hun an hmang leh bawk a. He hunah hian zirlai naupang mi 400 chuang leh Zirtirtute an tel a ni.