Lakhuihthei thawnchhuak

Khawzawl District Bawrhsap K. Vanlalthiana chuan Organic Certified FPC ni mek, Tuichangral Organic FPC (Farmer Producer Company) te tharchhuah Lakhuihthei Quintal 10 (1,000 kgs) chu Mumbai lama hralh turin nimin khan Khawzawl DC Office Tual atangin a vailiam a, heng Lakhuihthei te hi tun thla ni 17 leh 18-a Horticulture Department te sponsor-na hnuaia Josie’s Kitchen, North East Cuisines, Mumbai a Mizoram Pineapple Festival-ah zawrhchhuah tur a ni ang. Tuichangral Organic FPC te hian an Lakhuihthei tharchhuah te hi Haryana, Mumbai leh Dehradun lamah lo thawn chhuak tawh a ni.