CM hovin thutkhawm nei

Mizoram Bharat Scouts & Guides State Council chu nimin khan an President leh Chief Minister Lalduhoma hovin CM Conference Hall-ah an thukhawm a, kumin November thla a State Training Centre, Tanhril-a 8th NE Mini Jamboree (Scout & Guide khawmpui) thlen dan tur relin sum leh pai an mamawh dan te an sawi a, a hranpaa Fund an neih loh avangin sawrkarah an dil a, Chief Minister chuan sawrkar atanga pek an tum tur thu Council hi a hriattir a ni. He thutkhawm ah hian Chief Minister chuan khawvel pumah Scouts & Guides member nuai 483 vel an awm mek thu sawiin, “An awmna hmun theuh ah Pathian leh ram tan tiin hma an la a, midangte tanpuitu leh nun kawng dik kawhhmuhtu an ni. Keini pawhin kan thiante hmalakna ang bawkin kan ram leh kan khawtlangah hma kan la ve zel ang. Kan tih theih a tam lo anih pawhin kan tih chhun te chu tihhlawhtlin ngei pawh kan tum dawn nia,” a ti bawk.