ASF hri leng a darh zau zel

Serchhip District chhungah ASF vanga Vawk thi la awm belh zelin khaw dang ah pawh ASF hri kai a rinhlelh a awm belh mek zel.
Serchhip a AH&Vety Department chhinchhiahna atanga a lan danin nimin khan Serchhip District-a khua leh Veng 8-ah ASF vanga Vawk thi a awm belh leh a, North Vanlaiphai-ah Vawk 11 thiin Then-zawl-ah 9, Khumtung-ah 6, Chhingchhip-ah 3, Baktawng leh Serchhip Vengchung-ah pahnih ve ve leh New Serchhip South leh Serchhip Kawpui North-ah Vawk pakhat ve ve a thi a, Serchhip District-a khua leh Veng 19-ah Vawk thi 676 a awm tawh a ni.

Nimin vek khan Serchhip District a khua leh Veng 11 laiah hri leng tur venna atana Vawk suat a awm bawk a, North Vanlaiphai-ah Vawk 9 suat niin Chhuanthar Tlangnuam-ah 6, Keitum leh Serchhip Kawnpui North-ah 5 ve ve, New Serchhip South, Buhkangkawn leh Piler-ah vawk pathum theuh suat niin khaw dang 4-ah Vawk pakhat theuh suat a ni bawk. Nimin khan Serchhip Kawn-pui North, Serchhip Field Veng leh Piler-a RAgT hmanga Sample enfiah te chu ASF hri kai nia hriat an ni bawk.

Comments

Popular News (Last 30 Days)

Serchhip DCSO sawn a ni

Bawngchawm tlang khualbuk rawktu nia hriat mi 2 man