MDC chuh tur mi 3 awm

Lai Autonomous District Council (LADC) hnuaia 12-Lawngtlai MDC Constituency-a tun thla ni 27-a by-election neih tur atana chuh tumte tana hming pekluh theih hun chu nimin tlai dar 3:00 khan tawpin mi pathum in Nomination paper an thehlut a, heng te hi Vawiin hian enfiahin tunkar Zirtawpni tlai dar 3:00 thlengin inhnuhdawh leh theihna hun hawn a ni ang. He Inthlanna chuh tura hming pelut te hi Mizo National Front (MNF) atangin C. Lalsawmzuala, Bharatiya Janata Party (BJP) atangin K. Lalawmpuia leh Zoram People's Movement (ZPM) atangin F. Hrangtukhuma te an ni a. He MDC Bial-a MDC thlantlin, Dr. Lorrain Lalpekliana Chinzah chu Mizoram State Legislative Assembly inthlanpui, 2023-ah Lawng-tlai East bial atanga MLA-a thlantlin a nih hnuah a ban avangin Mizoram State Election Commission chuan by-election nei turin ruahmanna a siam  a, tun thla ni 27 khian Vote thlak a ni anga, July 1-ah Vote tla te hi chhiar a ni ang.