Aizawl-ah Walkathon nei

Kumin-a ‘World No Tobacco Day’ puala chawlhkar thum chhung hun hman kal mekah nimin zing khan Aizawl-a Millenium Centre leh Vanapa Hall inkarh Walkathon neih niin Health Minister Lalrinpuii chuan he huna tel te hi a vailiam a. Mizoram in India ramah pakhatna dinhmun a chelh hrang hrang - HIV kai zat, Cancer natna nei leh Zuk leh hmuam ti zat tih te chu a chhuanawm loh thu sawiin, Zuk leh hmuam ti thin ten simna ni atana hmang a, a la ti lo te ti thar lo tura intiam theuh turin kalkhawmte a sawm a ni. He hun hi NHM Mission Director Dr. Eric Zomawia chuan kaihruaiin, Zuk leh hmuam ti lo tura intiamna thuatiam (pledge) lak a ni bawk.