Tlabung-a Phar damdawi In ah enkawllai awm rih lo

Mizoram-a Phar enkawlna damdawi In awmchhun, Tlabung Leprosy Hospital-a Phar enkawllai awmchhun chu tunhnaia a thih avangin he damdawi In-ah hian Phar natna vei enkawllai an awm rih lo.

Kum 1978-a sak Tlabunga Leprosy Hospital-ah hian Nunsury I-a kum 77-a upa Robiram Chakma chu hun rei tak chhung enkawl ni tawhin, he damdawi In-a phar enkawl awm-chhun a ni a, enkawlna a dawnte chu thatpuiin a dinhmun pawh a ziaawm zela a lan hnuah, tunhnai khan natna hnathawh rawn lang thar lehin kar hmasa Ningani khan a thi a, he damdawi In-ah hian enkawllai an awm ta rih lo a ni.

Tlabung-a Leprosy Hospital-ah hian a hranpaa thawktu dah an nih loh avangin Tlabung a Sub-District Hospital-a thawktuten an hmui tel thin a, tun dinhmunah a building chhung leh pawn thenkhatin rawih lam a pan zel avangin thawmthat ngai hmun engemaw zatah a awm niin kan thudawnna chuan a tarlang bawk.