Ruang 27 lakchhuah a ni tawh

Tunhnaia ruahsur avanga leimin in chenna In a hnawl zinga mihring a hnawl tel te zawn hna chu nimin khan thawh chhunzawm leh niin nimin khan ruang pahnih hmuh belh leh a ni.

Thawhlehni a chhiatna thleng ah hian nimin tlai thleng khan ruang 27 lakchhuah a ni tawh a, chhiatna thlenna nasa ber Melthum-a leimin ah nimin tlai thleng khan ruang 15 hmuh a ni tawh a, an zinga 11 chu Mizo niin midang 4 te hi hnamdang an ni a, nimin khan ruang hmuh belh pakhat a awm a, Melthum-ah hian ruang zawn mek Mizo pali la awmin hnam-dang la hmuh loh awm nia hriat te chu leimin in a chhilh ve loh ten an kim tawh niin an sawi thung.

Hlimen-a leimin ah nimin tlai thlengin ruang panga hmuh a ni tawh a, an zinga pahnih hi Mizo niin midang pathum hi hnamdang an ni bawk a, nimin khan ruang pakhat hmuh belh awmin chin hriatloh hnamdang pakhat ala awm nia hriat a ni.

Aizawl Salem Veng-a chenna In pakhat leimin in a hnawl ah ruang pathum hmuh kim a ni tawh a, Falkawn khua a leimin in chenna In pakhat a hnawl ah ruang pahnih hmuh a ni tawh a, Ai-bawk khua ah chenna In pakhat lemin in a hnawl a tel mi pahnih te ruang zawn mek ala ni a. Kelsih leh Lungsei-a mi pakhat ve ve te ruang hmuh a ni tawh bawk a ni.

Comments

Popular News (Last 30 Days)

LPG man bithliah thar