MIAS dinhmun thlir ho

Chief Minister Lalduhoma hovin Thawhtanni khan Mizoram Institute of Advanced Studies (MIAS) dinhmunte thlira sawiho a ni.

Chief Minister Pisa-a MIAS chungchang sawihonaah hian MIAS tuaithar leh dan turte, tangkai zawka hman zui dan turte leh a kal zelna atana hmalak dan turte sawiho a ni. MIAS hi Mizoram-a Multi-Disciplinary Research Institution dinna tura ruahmanna a ni a. A kal chhoh zel dan tur chu chhawng (phase) 4-in Chief Minister hovin duan a ni.

MIAS hi kum 2013-ah Planning & Prog-ramme Implementation Department hnuaia Autonomous Body ni tura bultan a ni a, MINECO ah Office pindan pawh pek a ni a, an hna hmasa tur pawh sawrkarin a ruahman sak mah se, a bul tantu sawrkar an tlak tak hnuah engmah thawk zui thei loin a awm chho ta a, a hmachhawpte pawh tihlawhtling hlei thei lovin a awm zui ta bawk tih kan thulakna chuan a tarlang a ni.