A zawna a kum 5-na atan Keitum YMA in In sak sak
Keitum Branch YMA hruaitute hnen atanga thu kan dawn danin chenna In an sak sak hmeithai hi Keitum Field Veng-a khawsa niin a In hi a chhiat tawh avang leh sak that a tul tawh avangin In sakna tur thingzai thawhkhawm in Assam Type in a dung ft. 24 leh a vang ft. 19-a zau in sak sak a ni a, tunkar Thawhtanni atang khan an Branch-a Section YMA pali (4) ten a inchhawka hna-tlang neiin In sak hna hi an thawk a, Vawiin lam hian harsatna dang a awm loh chuan luah theih tura peih hman an inbeisei thu an sawi a ni. He In sak mek hi a chung tur Rangva chu bialtu MLA Lalmuanpuia Punte chuan a tum sak thu leh a bang tur Tile chu Keitum VC ten an tum sak thu Keitum Branch YMA te chuan sawiin, hnatlang thingpui lumna tur pawh Keitum-a Custom Department-a thawk ten an tum sak thu an sawi bawk a ni.
Hriat theih chinah tun tum hi Keitum Branch YMA ten a zawna kum 5 chhung mi harsa In an sak sakna a ni tawh a, kum 2020 atang khan kumtin hnatlang in In hi an la sak sak ziah a ni.
Comments
Post a Comment