Airport hlan dan tur zir tur din

Nimin khan Chief Minister Lalduhoma hovin Lengpui Airport enkawltu dang hnena hlan chung-chang chu sawrkar mi pawimawh ten an sawiho a, CM Office Conference Hall-a thutkhawm ah hian India ram hmun danga Airport engemaw zat, Airport Authority of India (AAI) kuta awm mek te an enkawl zui dan te leh Private Company ten PPP Mode-a an kuta awm an enkawl dan chanchin tlangpui te tarlan a ni a. Chungte ngaihtuah chung chuan Airport Authority of India hnenah nge Private Company te hnena hlan tha zawk dawn a, Mizoram tana hlawk ber tur engnge ni ang tih kil hrang hranga khaikhinna chipchiar lo neitu tur Working Committee (Working Group) din nise, anni in a rang lama lo umzuiin, report kimchang an neih hunah thutkhawm leh nise an ti a ni. He thutkhawm ah hian Lengpui Airport ram venhim dan tur te, Airport hna-thawktu pawimawh tuna dah belh nghal ngai nia lang te pawh sawilan a ni bawk.