Latest News

International Day of Disabled Persons pualin hun hmang

Naktip December 3-a ‘International Day of Disabled Persons’ lo thleng tur pualin nimin khan CMS Picnic Spot, Chawm kai-ah hun hman a ni.
Samagra Shiksha Serchhip District leh Shalom Spastic Society Serchhip te tawngkawp buatsaih International Day of Disabled Persons puala hun hman hi Shalom Spastic Society Serchhip Chairman Vanlalchhunga chuan kaihruaiin Presbyterian Bible School Principal Rev. Lalrinsanga chuan khuallian niin a hmanpui a, Serchhip a Shalom Special School lo din tan dan sawiin, Shalom Special School ang hi Mizoram hmun dang ah a awm loh thu leh thawktute inpekna chu fakawm a tih thu a sawi bawk.


Nimin-a he hun hmanna ah hian Samagra Shiksha Serchhip District-a Addl. DC Vanlalmuka leh Serchhip ICDS Project-a CDPO Caryl Lalpari te pawhin thu an sawi a, Shalom Special School a kal mek ten inlawmna hla an sak bakah Chheih lam, Fashion Show leh Group Dance te an entir bawk a. Serchhip-a Zaithiam thenkhat te pawhin he hun hi an hmanpui bawk. CMS Picnic Spot neitu R. Lalramliana (Serchhip Dinthar Veng) te chuan nimin-a he hun hmanna atan hian an hmunhma hi a thlawna an hmantir bakah zanriah an buatsaih sak nghal bawk a ni.

Comments

Popular News (Last 30 Days)