SAY in thisen Unit 13 pe

Salvation Army-a thalai pawl, Salvation Army Youth (SAY) Serchhip Corps te chuan nimin khan Serchhip Blood Bank-a dah turin thisen Unit 13 an pe a, thisen petute hi mipa 9 leh hmei-chhia 4 niin Serchhip Blood Bank-ah kalin thisen hi an pe a ni. Thudawn danin SAY Serchhip Corps te hi tun thla ni 18-a thisen pe tura inruahman an ni a, amaherawh chu tunhnaiah Serchhip Blood Bank-a thisen dahkhawl sa awm zingah Blood Group thenkhat dahkhawl sa a awm loh avangin damlo ten harsatna an tawk a, hei vang hian an pek hun tura ruahman aia hma ah thisen hi an pe ta zawk a ni.