Punjab-a thi ruang vuiliam

Thla hmasa October 28 atanga chin hriat loh a bo leh kar hmasa Ningani zan dar 11:00 vela a ruang chhar Lalnunthiangi (33), Mission Veng Aizawl, Thapar University (Thapar Institute of Engineering and Technology), Patiala, Punjab-a Biotechnology-a Doctor of Philosphy ti mek ruang chu nimin khan Aizawl rawn thlenpui niin nimin khan vui nghal a ni a. Lalnunthiangi hi a thiante nen October 28 khan chhuakin a awmna chin hriat zui a ni lo a, Lui pakhat bulah a bag, Identity Card leh thawmhnaw thenkhat chu October 29 khan chhar a nih avangin Patiala Police-te'n an chhuizui a. November 2, 2023 khan Lalnunthiangi leh a thiante ruang ni ngeia hriat chu Lui-ah hmuh niin uluk taka enfiah a nih hnuah anmahni ruang ngei a ni tih finfiah a ni.