MPCC in ngai pawimawh

Mizoram Pradesh Congress Committee (MPCC) hruaitute chuan nimin khan Aizawl Press Club-ah thuthar thehdarhtute kawmin Congress party in ngaih pawimawh bera a neih chu kan Ram, kan Hnam, kan Sakhua himna tur a ni tih an sawi a. Heng te hi a him lo a nih chuan hmasawnna hi awmze nei lovah an ngai tih sawiin, “Mizo Kristian tana hlauhawm em em chu Hindutva ideology kalpui burtu BJP te hi an ni a. India ram Hindu lal rama din tum bur tute hi Congress party chuan vulh len tum chi ah a ngai lo,” an ti bawk.