Champhai District-a Tui harsatna-ah Vaimim chin tum

Champhai District-ah Tui harsatna avanga buh chin theihlohna hmunah te nakum-ah Vaimim chin tum a ni.

Champhai District-ah Leilet leh Tlangram-a buh chingtute chuan kumin-a an buh thar te seng zo thawkhat tawhin Champhai District Agriculture Office, R Lalramhluni chuan kumin hian Champhai District-ah hian ruah surin leilet leh tlangrama loneitu thenkhat buh seng tikhailak mah se, kum dang angin harsatna lian a thleng lo tih a sawi a. Tlangram loneite'n nikum aiin buh an thar hlawk a, Leilet-ah pawh a tlangpuiin nikum aiin buh thar tha zawk mah se, buh natna a tam avangin beisei zat thar lo an awm nual thung niin a sawi.

Champhai DAO chuan Champhai District chhunga leilet neitute'n hlawhfa rawihna atana sum tam tak an senral thinna tiziaawm turin khawl hmanga buh phun, buh zai leh buhvuak kalpui a ni tih a sawi a, loneitute hnenah sawrkar-in man tlawm zawka khawl a pekchhuah chuan loneitute a chhawk zangkhai hle tih a sawi a; nakumah chuan tui harsatna avanga buh chin theih lohna hmunah te Vaimim ching turin Agriculture Department-in hma an la dawn tih a sawi bawk.