A tling te lak an nih thu sawi

MNF Thalai, Mizo National Youth Front (MNYF) Vice President Zodinpuia chuan nimin khan Aizawl Press Club-ah thuthar thehdarhtute kawmin Dec. 15, 2018-a MNF kaihhruai sawrkar lakluh a nih atangin Mizoram sawrkar chuan hna thar tam tak a lak tawh thu leh heng hnalakna ah te hian Party induhsakna awm lovin a tling leh tlakte lak an ni thin tih a sawi a. Hei hian MNF chu sawrkar langtlang leh thianghlim, zirlai leh thalaite tan innghahna tlak sawrkar a nih zia a tarlang nia sawiin, “Mizoram chhung a sawrkar hnalakna zawng zawng ah 'Knowledge of Mizo Language upto Middle School Standard' dah a nih chhan hi Mizo thalaite sawrkar hna ah hnam-dangin min chuhbuai theihlohna tura ruahman a ni,” a ti bawk.