Thenzawl-ah Adventist Youth Convention nei tan

Tun Pathianni lo awm tur thleng awh tur Adventist Youth Convention chu nizan atang khan Thenzaw Lothazawl-a Pandal sak-ah neih a ni a, nimin tlai thleng khan Mizoram chhung leh pawn atangin Palai thahnem takin Thenzawl hi an thleng tawh a ni. Tun tuma Adventist Youth Convention-ah hian thupui atan ‘Tunge ka nih’ tih chu hman niin nizan khan Cultural Programme hmangin Adventist Youth Fellowship Circle hrang hrang ten Hnam lam te an entir a. Vawiin chawhma lam hian Free Clinic buatsaihin Vantlang tana thil tha tihna hun hmangin Thenzawl khawchhung leh Lau lui thenfai hna an thawk anga, chawhnu lamah ah Live Concert neih tura ruahman a ni bawk.