SSU Award hlanna Rajya Sabha MP hovin neih a ni

Students Self-Support Union (SSU) chuan nizan hmasa khan Khatla-a Ignite Studio-ah Students Self-Support Award hlanna hun an buatsaih a, he hun hi Mizoram Rajya Sabha Member K. Vanlalvena chuan a hmanpui a ni. Tun tuma SSU in Self-Support Award a hlante hi Lalchamzuali (Ngopa); Lalhmachhuani (Aizawl Zuangtui) leh Lalhmangaihsanga (Bairabi) te an ni a, Award hian sumfai Rs 20,000/- leh Citation bakah lehkhabu a keng tel a ni. 

Nizan hmasa a he hun hmanna ah hian Rajya Sabha MP K. Vanlalvena chuan, zirlai entawn tlak pathum hnena Self-Support Award hlan a ni chu ropui a tih thu sawiin, amah ngei pawh College a kal laia mi In luaha mahni inchawm thin a nih thu a sawi a. Thalaiten ngaihsan tur dik an ngaihsan a pawimawh thu leh, mi tupawhin tumna tak tak an neih chuan tih theih loh a awm lo tih hria a, zirlaite chu an hmalam hun atan theihtawp chhuah turin a chah a ni.