RO leh ARO tur Exam nei

Election Commission of India (ECI) in rua-hmanna a siam angin Mizoram General Election 2023 atana Returning Officer leh Asst. Returning Officer ni tur te chuan nimin khan Evaluation Programme neiin Paper chi 2-ah exam an hmachhawn a, he Exam hi Online hmanga neih niin Paper hmasa zawkah zaa 80 leh Paper dangah zaa 50 tal tihdik a ngai a, exam hun chhung hi darkar chanve a ni. He exam paltlang zo lo an awm a nih chuan training neih tir leh an ni ang a, a hran in exam an hmachhawn leh a ngai dawn a ni. Hetianga exam hi kumdang ah chuan neih a ni ngai lo nia thudawn a ni.