DIET-a zirlai ten Tuikum panna kawng an tifai

PHE Department in Serchhip chawmna atana Tuikum lui an lakna kawng leh Tui Pump-a hmun te chu nimin khan Serchhip DIET-a PSTE zirlai te chuan hnatlangin an tifai.

Serchhip DIET-a PSTE zirlaite hian Semester khat-ah Vantlang tana thil tha tihna ni hi tum khat tal hmang thinin hemi pual hian nimin khan PHE Department in tui an lakna kawng leh tuilakna hmun thenfai hnatlang hi an nei a, he hunah hian zirlai mi 100 vel thawkin Khawtetlang atanga Tuikum panna kawng chhe zual te siamin kawng khuar te an hnawh a, DIET Lecturer te pawhin he hun hi a telpui a ni. PHE Serchhip WATSAN Division-a thawktute chuan Tui an pump dan leh mipui in tura an tih thianghlim dan te DIET-a zirlaite hi an lo hrilhfiah bawk a ni.