Tuilian ziaawm chho zel

Nimin lamah Lawngtlai District-ah ruahsur a ziaawm deuh avangin District hmun hniam lama tuilian chuan ziaawm lam a pan a, Chawngte C-a Relief Camp a lut chhungkua 65 atangin chhung-kaw 34 chuan Relief Camp chhuahsanin anmahni In an pan tawh a, Relief Camp-ah hian chhungkaw 31-a mihring 120 an la awm a, mahni chhungte bel chhungkaw 210 te pawh anmahni In lamah an let deuh vek tawh a ni. Relief Camp-a la awmte hi nimin khan Chawngte SDO (Civil) Lalneihthanga Colney chuan tlawhin DCSO Lunglei nen tang-kawpin, mamawhna a nasat vangin Buhfai pek an ni a, Buhfai bakah tui thianghlim pek an ni bawk.