Kumin April - July thla ah Chhiah hmuh a tam

Mizoram sawrkara Taxation Department chuan sawrkar kum kal mek (2023-2024) ah July, 2023 thleng khan Chhiah chi hrang hrang Rs. 4,15,84,89,749 an hmu tawh a, Chhiah hmuhna ber chu GST a ni.

Taxation Department hian kumin April atanga July thla thlenga Chhiah an hmuh Rs. 4,15,84,89,749 atang hian GST-a sum hmuh chu Rs. 3,53,41,68,869 a ni a, Profession Tax-ah Rs. 4,05,44,294 hmuin, Sales Tax-ah Rs. 58,36,77,606 leh Chhiah dang atangin Rs. 98,980 an hmu bawk a ni. Sawrkar kumthar hnua Chhiah hmuh tam ber thla chu April thla kha niin Rs. 1,34,78,34,419 a lut a, chungte chu GST-ah Rs. 1,07,59,54,329, Profession Tax-ah Rs. 42,03,619, Sales Tax-ah Rs. 26,76,65,331 leh Chhiah dang atangin Rs. 11,140 hmuh a ni.

Taxation Department hi Mizoram sawrkar tana Chhiah chhungluttu lian ber a ni a, GST, VAT leh Profession Tax atangin chhiah a lakhawm thin a. Financial year 2022-23 chhung khan Chhiah an hmuh zawng zawng chu cheng vbc. 1,020.66 a ni a, Revised Estimate (RE)-ah cheng vbc. 900 hmu tura beisei an nih laiin RE target hi cheng vbc. 120.62-in an khum thung a. State’s Own Tax Revenue (SOTR) target cheng vbc. 917.79 pawh cheng vbc. 102.87 in an khum bawk a ni.

Taxation Department hian kumin April thla khan Chhiah chi hrang hrang an khawn atangin Rs. 1,34,78,34,419 hmuin hei hi thla khata Chhiah an hmuh tam ber tum ala ni a, hetiang zat-a tam hi thla khat-ah hmuh an la nei ngai lo a ni.

Comments

Popular News (Last 30 Days)

Vawiin-ah HSSLC Exam result