Zirna In te chawimawi an ni

Kumin-a HSLC leh HSSLC Exam-a zirlai pass vek zirna In te hnenah nimin khan chawi-mawina hlan an ni.

Serchhip District Education Committee chuan Serchhip District chhunga High School leh Higher Secondary School zingah kumin a HSLC leh HSSLC Exam-a zirlai pass vek (100% pass) te thawhrimna chu fakawm an tih thu leh chawimawi phu an tih thu sawiin, nimin-a Remna ni puala inkhawm Serchhip-a neih ah heng School te hnenah hian ‘Letter of Appreciation’ hlan an ni a. Heng chawimawina dawngtute hi HSLC-ah School 8- Buangpui Secondary School, Hual-liana H/S Hmuntha, Hrangturzo H/S North Van-laiphai, Khawbel Secondary School, Leng H/S, Millennium H/S Chhiahtlang, Presbyterian English School East Lungdar leh Goodwill English School Serchhip te an ni a. HSSLC-a zirlai pass vek te hi Brilliant HSS Serchhip leh Chhiahtlang Higher Secondary School te an ni.