Kum khat tang tur leh cheng nuai 3 chawi turin hrem

Special Judge (Prevention of Corruption Act) Dr. HTC. Lalrinchhana chuan Rs. 8,56,112 tihchingpen chungchanga niminpiah lama thiamloh a chantir tawh Telecom Department Officer hlui Subhrendu Deb Roy, Kolkata chu kum khat (1) Jail tang tur leh cheng nuai thum chawi turin a ti a, pawisa hi a pe thei lo a nih chuan kum thum dang a tan belh dawn a ni.

Special Court (Prevention of Corruption Act) hian nimin khan Subhrendu Deb Roy hremna hi puangin Subhrendu Deb Roy leh a thawhpui mi pahnih te chu he sum ti chingpen-ah hian puh an ni a, midang pahnih te hi an boral tawh avangin Subhrendu Deb Roy chauh hian hremna a tuar ta a ni.

Court chuan hremna nep zawk a pek chhan hrang hrang a tarlan ah Subhrendu Deb Roy hi kum 75 laia upa leh natna hrang hrang in a tlakbuak tawh a nih bakah kum 1999 atanga thubuai lo intan tawh, hun rei tak rilru hrehawm tak lo tuar tawha ngaih a nih thu te, State dang leh hmun hla tak atang pawh sum leh pai sen hautak fe chung pawha Court ngai pawimawha Court thu a zawm that thu leh thubuaia inhnamhnawihna lian zawk nei pahnih te boral tawhin ani bik in hnamhnawihna hi nep zawka hmuh a nih thu leh Dan bawhchhiatna thubuai ah thiamloh chantirna sulhnu la neilo a nih thu te a tarlang a ni.

Comments

Popular News (Last 30 Days)

LPG man bithliah thar