ZORO in raltlante In sakna tur Silpouline hlan

ZORO chuan Burma atanga raltlan rawn lut te In sakna turin Silpouline thahnem tak nimin khan an pek thu an sawi.

Nimin-a thuchhuah an siamah ZORO General Hqrs. chuan Burma ram buai chuan zual lam a pan zel thu leh tunlai hian Burma sipai leh mipui sipai te chu an inkap nasa zual hle tih tarlangin, hemi vang hian kan unau Burma a awm te chu sahimna zawngin Mizoram hmun thenkhat ah raltlan an pun belh nasa  tih an tarlang a. “Raltlan te hian chenna tur an nei lo a, an chenna tur In sak a ngai a, In sak nan hian Sawrkar ah Silpouline an dil a, Sawrkar in a pek theih loh avangin ZORO ah an rawn thlen a, ZORO chuan an In sakna daih Silpouline a pe a ni,” an ti.

ZORO thuchhuah chuan Silpouline an pek hi Floria Glamour neitu in a chanve a tum sak thu leh a bak hi ZORO General Hqrs. sum atanga lei a nih thu pawh tarlangin, nimin khan ZORO aiawh ten Farkawn-ah an hlan thu pawh an thuchhuah ah hian an tarlang a ni.