MPCC Treasurer atangin Zodintluanga a bang

Mizoram Pradesh Congress Committee (MPCC) Treasurer Zodintluanga chuan nimin khan Party-a a nihna atanga a banna Party Office ah a thehlut.

Zodintluanga chuan Party-a a nihna bansan mah se Congress Legislature Party Leader a nih angin Party erawh chhuahsan lovin a la awm reng tih a sawi a. An Party President Lalsawta kaihhruaina hnuaiah beiseina sang tak nei thin mah se, a beisei anga thil a thlen loh bakah Congress Party innghahna leh a lung-phum chu sawinghin a tihchhiat mek a ni, a ti a, hei vang hian party-a a nihna atanga ban mai loh chu tih theih neia a inhriat loh thu a sawi.

Thorang bialtu MLA Zodintluanga chuan, Congress Party chu Committee a innghat thin a nih thu leh tunhma chuan engkim a rel tur dik tak Committee in a rel thin tih a sawi a, kum 2021-a Lalsawta President a nih atangin an kalphung chu tih nghin a, tih danglam a ni tih sawiin, President-in mi pahnih khat lek rawnin thutlukna a siam thin tih a sawi bawk. Hei bakah hian Nomination Committee din chung-chang ah rawn a ni ve lo tih Zodin-tluanga chuan a sawi bawk a, hei bakah hian party thuneitu sang Political Affairs Committee (PAC) chu party OB dangte hriatpuina lovin President chuan tih danglam a tum tih a sawi bawk a ni.

MPCC President Lalsawta chuan Zodintluanga banna lehkha hi a dawn loh thu leh a copy chu whatsapp ah a hmuh thu a sawi a, hemi chungchangah hian sawi tur a nei lo tih a sawi.

Niminpiah khan MPCC hian Aizawl District chhunga MLA bial 28 enkawltu Aizawl District Congress Committee (ADCC) chuan an hruaitu an siksawi a. An president ni lai VL. Robiaka chu MPCC General Secretary hna chelhlet leh tura tih a ni bawk.

Comments

Popular News (Last 30 Days)

Vawiin-ah HSSLC Exam result

LPG man bithliah thar