Registrar of Marriage te tan Annual Training neih a ni

Serchhip District chhunga Registrar of Marriages te tana kumtin an hnathawh dan inzirtir tharna neih thin chu nimin khan Serchhip-ah neih leh a ni.
Mizoram sawrkar Law and Judicial Department-a Registrar General of Marriages Office buatsaih he training hi Serchhip Hmar Veng YMA Hall-ah neih niin Training pe tur hian Aizawl-a Law & Judicial Department atangin Lalhmangaihsanga Sailo leh Lalhlim-puia te an rawn kal a, he huna tel Registrar of Marriage te chu an hnathawh a pawimawh avangin uluk leh fimkhur taka thawk turin an chah a. Hunbi nei-a Report pekluh hun an siam pawh ngai pawimawh tura chahin, hunbi an siam ah chuan Innei thar leh thildang chhinchhiah thar an nei lo a nih pawhin report zel turin an chah a. Sipai ten nupui an nei lo tih tarlanna Certificate an dil thin chu a pe thei an nih loh thu leh Hmeichhia pasal nei lo tih Certificate chiah an pek theih thu an sawi a ni.

Serchhip District-ah hian Registrar of Marriage hi mi 44 awm mekin an zinga mi 4 te chu Serchhip-a awm an ni a. The Mizoram Compulsory Registration of Marriage Act and Rules, 2007 in a sawi angin Innei thar te reng reng chu chhinchhiah vek tur a ni a, hemi atana an bungraw mamawh hrang hrangte pawh nimin a Training-ah hian pekchhuah nghal a ni bawk.

Comments

Popular News (Last 30 Days)

Vawiin-ah HSSLC Exam result