North Vanlaiphai JAC ten hmalak zui zel an tum

North Vanlaiphai Joint Action Committee chuan an khua atanga Block Agriculture Office (BAO) Office sawnchhuah duhloh lantirna atan Rulling Party-ten Seal dah an lo tum tawh leh Rulling VC Member-ten Party atanga ban an tumna chu kaltlangpui ni se an ti.

    North Vanlaiphai Joint Action Committee chuan kumin March 8-a Chief Minister hnena North Vanlai-phai khua atanga BAO Office sawnchhuah duhlohna chungchangah huntiam chhung (deadline) nei-a lehkha an thehluh chu an huntiam a ral hnu, March 17, 2023 thlenga thu lawmawm lam hriat tur a awm loh avangin hmalak zui dan tur Committee-in a lo rel lawk tawh angin an khawtlanga Rulling Party-ten Seal dah an lo tum tawh leh Rulling VC Member-ten Party atanga ban an tumna chu kaltlangpui nise an ti a. Hetianga Rulling Party hruaitu ber an ban chuan kum 2023 chhung chuan North Vanlai-phai-ah MNF Party Unit leh Group din a remchan dawn loh thu sawiin, an lungawilohna lantirna nasa zawka kalpui an rel a, Total Bandh huai-hawt nise an ti bawk.