Ngentiang-ah Health Clinic Centre thar hawng

Assembly Deputy Speaker leh Tuikum bialtu MLA Er. Lalrinawma chuan nimin khan a bial chhunga Ngentiang khua ah Health Clinic Centre thar a hawng.
Ngentiang Health Clinic Centre thar hi PHC Mual-ah Ngentiang VC Vice President Herman Tlangkunga kaihhruaiin neih niin hemi hnu hian Community Hall-ah VCP Felix Vanlalfela kaihhruaiin a lawmna inkhawm neih zui leh a ni a, he hunah hian bialtu MLAchuan hriselna hian ram leh hnam intodelhna leh hau-sakna a nghawng a, chhungkaw tinte intodelhna pawh a hril tel tih sawiin, hei vang hian mipuiten hriselna tha kan neih tlan theih nan nun kawng thianghlim leh tha kan zawh a tul thu a sawi a. Hriselna lama harsatna kan tawhin a rang lama inentir nachang kan hriat pawh a tul thu sawiin, Ngentiang khawtlangin kan hriselna thua an pan zung zung theih tur Health Clinic Centre thar an nei chu a lawmawm hle tih pawh sawiin, tangkai taka hmang turin a chah bawk.


Deputy Speaker chuan thianghlimna hi hriselna kailawn pawimawh a nih avangin ei leh in thuah te, taksa enkawl kawng tinrengah te, in leh a chhehvel enkawl danah te thiang-hlimna kan ngaipawimawh tur a ni tih sawiin, mitin in chutianga thianghlimna kan ngaihsak chuan khawtlang thianghlim leh hrisel kan ni mai dawn a ni, a ti bawk.

He hunah hian Ngentiang PHC-a Health Supervisor Lalramlawma pawhin thu sawiin mipuite hriselna ngaihsaka theihtawp chhuah saktu Bialtu MLA Er. Lalrinawma chungah lawmthu a sawi a. Clinic Centre thar chu mipui ten an tangkaipui hle dawn tih a sawi a. MHIP, MUP, YMA aiawh te pawhin he hunah hian thu an sawi bawk a ni.

Comments

Popular posts from this blog