Football Semi Final khel dawn

Serchhip Sub-Hqrs. YMA buatsaih Inter-Branch YMA Football Tournament chu Vawiin hian Semi Final khelh zawh a ni dawn.

Nimin-a inkhel hmasa ber tura ruahman, Inrinni-a Quarter Final khel zo lo Vengchung Branch leh Serchhip Kawnpui North Branch te Second half khel tura ruahman ah S. Kawnpui North Branch te an inlan loh avangin inkhelh tawh china 3-1 a hma hruaitu Vengchung Branch te chak ah puan an ni a. Inrinni-a inkhel hman ta lo Serchhip Hmar Veng Branch YMA leh Neihloh Branch YMA te inkhel ah hun pangngai ah goal khat ve ve inpe-a inhnehtawkin Penalty Shoot-out hmanga chak zawk zawnna neih ah Neihloh Branch te hi 3-2 a chakin Semi Final an lut bawk a, Serchhip Vengchung Branch leh Neihloh Branch te hian Vawiin chawhnu dar 2:00-ah Semi Final an khel leh dawn a ni.

Semi Final khel tur hmasa zawk nimin-a khelh ah New Serchhip Venglai Branch leh Chhingchhip Venghlun Branch te inhmachhawnin hun pangngai ah goal hnih ve ve khunga inhnehtawkin Extra Time minute 30 pek belh niin goal khung thei an awm lo a, hei vang hian Penalty Shoot-out hmangin a chak zawk zawnna neih niin Chhingchhip Venghlun Branch te 4-3 a vannei zawkah an tang a, Vawiin a Semi Final a chak zawk nen Final-ah an inhmachhawn dawn a ni.