‘Zoram zalên nân hming ka sign’ lehkhabu tlangzarh

Information & Communication Technology Minister Robert Romawia Royte chuan nimin khan Zoramthanga lehkhabu ziah, ‘Zoram zalên nân hming ka sign’ tih chu a tlangzarh.

He lehkhabu tlangzarhna puala inkhawm a Pisa-a neih ah ICT Minister chuan tunhma chuan chanchinbu atang te, lehkhabu kan chhiar atang te, TV leh Radio atang te in hriatna dik leh thu belhchiandawl kan hre thin tih sawiin, “Tunah erawh chuan Social Media hmangin thu belhchiandawl lo tam tak kan hre ta a, chuvangin lehkha chhiarah kan kir leh a ngai takzet a ni,” a ti. Mizoten Independent kan sualna atana hming sign-tu ngeiin hnam rilru leh ram hmangaihna rilru pua ama tawnhriat ngei lehkhabu a ziak chu a hluin a lawmawm takzet tih a sawi a. Hnam fing leh puitling apiangin hnam movement-a inhmangte an dahsangin an hlut nia sawiin, chutiang chuan Mizote pawhin hnam puitling leh fing zia zira kan ram leh hnam hmangaihna dik tak nen hnam movement avanga nunna hlu tak hlantute zah a, a la damte ngaihhlut nachang kan hriat a tul thu a sawi bawk.

Comments

Popular News (Last 30 Days)

LPG man bithliah thar