Wine zawrh/siam dil mek

Mizoram Liquor (Prohibition) Rules 2022 hnuaiah Grape Wine siam leh zawrh phalna nei duh tan dilna hun hawn mek a ni.

Grape Wine siam phalna, Winery Licence leh a zawrh phalna, Wine Vendor License hi District hrang hranga Excise and Narcotics Department Office-ah dil theih a ni a,heng dilna te hi endik mek niin, MLP Rules 2022 hnuaia Grape Wine Rules-in a sawi angin Grape Wine siam leh zawhna hmun chu biak In leh zirna In atanga hnai lutuk tur a ni lo tih a nih angin dilna lute chu endik nghal zel a ni a, District hrang hranga dilna lut zinga endikna paltlangte chu Excise and Narcotics Commissionerate-ah a lut khawm ang a, chumi hnuah thlitfim leh a ni dawn a ni.

Grape Wine siam phalna, Winery Licence pekte chuan kum khatah Excise duty Rs. 20,000/- an chawi a ngai dawn a. A zawrh phalna, Wine Vendor Licence pekte chuan kum khatah Rs. 15,000/- bakah Security Deposit Rs. 10,000/- an pek a ngai a. Sipai Canteen-a Grape Wine zawrh chhuah a nih chuan kum khatah Excise Duty Rs. 10,000/- an chawi a ngai ve dawn bawk a ni.